Италиянинг «Интер» клуби собиқ футболчиси Уэсли Снейдер Чемпионлар лигаси 1/2 финалидан ўрин олган «Арсенал» — «Атлетико» Мадрид (1:0) жавоб учрашуви ҳақида ўз фикрларини билдирди.
«Ўйиннинг 35-дақиқасидаёқ УЕФАга қўнғироқ қилиб, ушбу баҳсни бекор қилишни, ўйинчиларни майдондан олиб чиқиб кетишни ва «Бавария» — «ПСЖ» жуфтлигини Чемпионлар лигаси финали деб эълон қилишни сўрагим келди. Очиғини айтсам, бу ўйин ўта зерикарли бўлди», — дея Снейдернинг сўзларини келтиради RMC Sport.
Эслатиб ўтамиз, Букайо Саканинг 45-дақиқада урган голи эвазига «Арсенал» ғалаба қозонди ва финал йўлланмасини қўлга киритди. Финалдаги иккинчи иштирокчи эса бугун бўлиб ўтадиган «Бавария» ва «ПСЖ» ўйинидан сўнг маълум бўлади.
