Italiyaning «Inter» klubi sobiq futbolchisi Uesli Sneyder Chempionlar ligasi 1/2 finalidan o‘rin olgan «Arsenal» — «Atletiko» Madrid (1:0) javob uchrashuvi haqida o‘z fikrlarini bildirdi.
«O‘yinning 35-daqiqasidayoq UEFAga qo‘ng‘iroq qilib, ushbu bahsni bekor qilishni, o‘yinchilarni maydondan olib chiqib ketishni va «Bavariya» — «PSJ» juftligini Chempionlar ligasi finali deb e’lon qilishni so‘ragim keldi. Ochig‘ini aytsam, bu o‘yin o‘ta zerikarli bo‘ldi», — deya Sneyderning so‘zlarini keltiradi RMC Sport.
Eslatib o‘tamiz, Bukayo Sakaning 45-daqiqada urgan goli evaziga «Arsenal» g‘alaba qozondi va final yo‘llanmasini qo‘lga kiritdi. Finaldagi ikkinchi ishtirokchi esa bugun bo‘lib o‘tadigan «Bavariya» va «PSJ» o‘yinidan so‘ng ma’lum bo‘ladi.
