Италиялик собиқ футболчи Роландо Бьянки Ўзбекистон миллий жамоаси мураббийлар штабида иш бошлади. Мутахассис терма жамоада ҳужумчиларни тайёрлаш жараёнига кўмаклашади.
Маълумот учун, Роландо Бьянки футболчилик фаолияти давомида «Аталанта», «Кальяри», «Реджина», «Манчестер Сити», «Торино», «Болонья» ва «Мальорка» каби клублар шарафини ҳимоя қилган. Шунингдек, турли ёшдаги Италия терма жамоаларида ҳам тўп сурган.













