Апрель ойи охирида ярим ҳимоячи Кобби Майну «Манчестер Юнайтед» билан янги шартнома имзолади. 21 ёшли футболчининг келишуви 2031 йилга қадар узайтирилди.
Журналист Крис Уилернинг маълумотларига кўра, истиқболли хавбек атрофидаги вазиятни бошқа клублар, жумладан, Лондоннинг «Арсенал» жамоаси ҳам диққат билан кузатиб борган. «Канонирлар» футболчи учун асосий даъвогарлардан бири ҳисобланар эди, бироқ «қизил иблислар» билан янги шартнома имзолангани эълон қилингач, табиийки, қизиқиш сусайди.
Майну Рубен Аморим даврида асосий таркибдаги ўрнини йўқотган эди, шу сабабли маълум вақт унинг жамоадан кетиши эҳтимоли анча юқори туюлганди. Португалиялик мутахассис истеъфога чиқарилиб, Майкл Каррик тайинланганидан сўнг, чиқиб келаётган юлдуз учун асосий таркибда яна жой топилди.
