«Барселона» вингери Рафинья ёзги трансфер ойнаси олдидан ўз келажаги борасида иккиланаётгани ҳақидаги маълумотларга муносабат билдирди.
«Менинг эҳтимолий кетишим ҳақида мақола ёзган журналист илгари ҳам мен ҳақимда бошқа ёлғонларни тарқатган эди. У гўёки мен клуб раҳбарияти билан учрашиб, ўз шубҳаларимни муҳокама қилганимни, «Барселона»да қолиш ёки қолмасликни билмаётганимни иддао қилмоқда. Бу одам фақат ёлғон гапириш билан банд. Ҳар сафар у бирор воқеани эълон қилса, кейин уни ўчириб ташлашга мажбур бўлади — доим ёки деярли доим шундай. Унинг оғзидан фақат бемаъни гаплар чиқади», — дея Рафиньянинг сўзларини келтиради BarcaTimes.
Рафинья яқинда жароҳатидан қутилди ва 10 май куни «Реал»га қарши кечадиган «Эл-Класико»да майдонга тушиши кутилмоқда.
