Италия терма жамоаси собиқ бош мураббийи Женнаро Гаттузо яқин вақт ичида фаолиятини қайта тиклайди. Инсайдер Николо Скиранинг маълумотларига кўра, мутахассисни ўз сафига қўшиб олишга «Торино» клуби жиддий қизиқиш билдирмоқда.
Турин клуби аллақачон мураббий билан музокараларга киришган. Гаттузога 2028 йил ёзигача мўлжалланган, яна бир мавсумга узайтириш имконияти бўлган шартнома таклиф қилинди. Ушбу келишувга кўра, мураббийнинг йиллик маоши 1,5 миллион еврони (плюс бонуслар) ташкил этиши кутилмоқда.
Эслатиб ўтамиз, Женнаро Гаттузо 2025 йил июнидан 2026 йил апрелига қадар Италия терма жамоасини бошқарган эди. У терма жамоанинг Жаҳон чемпионатига чиқа олмаганидан сўнг ўз лавозимини тарк этганди.
Айни дамда «Торино» Италия чемпионати турнир жадвалида 35 турдан сўнг 41 очко жамғариб, 13-ўринни эгаллаб турибди.
