Мадриднинг «Реал» клуби ҳимоячиси Ферлан Менди ўнг оёқ сонидаги мушак йиртилиши сабабли операция қилинадиган бўлди.
Fussball Transfers нашрининг хабарига кўра, 30 ёшли франциялик футболчининг тикланиш муддати борасида турли маълумотлар тарқалмоқда:
El Mundo нашри Мендининг сафга қайтиши учун тахминан 4-5 ой вақт кераклигини айтмоқда.
Cadena COPE радиостанцияси эса анча хавотирли хабар тарқатди — ҳимоячи бир йилгача майдонга туша олмаслиги мумкин.
Мендининг «Реал» билан амалдаги шартномаси 2027/2028 йилги мавсум якунигача амал қилади. Бу йўқотиш «эль-класико» олдидан ва умуман мавсум финалида мадридликлар ҳимоя чизиғи учун катта зарба бўлди.
Эслатиб ўтамиз, «Реал» Ла Лига турнир жадвалида «Барселона»дан 11 очко ортда қолган ҳолда иккинчи ўринда бормоқда.
