Унаи Эмери мураббийлик фаолиятида олтинчи бор Европа Лигаси финалига чиқди. Испаниялик мутахассис қўл остидаги «Астон Вилла» турнир ярим финалининг жавоб учрашувида «Ноттингем Форест»ни тор-мор этди (4:0, биринчи ўйин — 0:1) ва кейинги босқичга йўл олди.

Эслатиб ўтамиз, 2014 йилдан 2016 йилгача бўлган даврда «Севилья» Эмери бошқарувида кетма-кет уч марта ушбу кубок соҳибига айланган эди. 2019 йилда Унаи бошчилигидаги «Арсенал» финалга чиқиб, унда «Челси»га имкониятни бой берган (1:4). 2021 йилда эса «Спартак»нинг собиқ мураббийи «Вильярреал» устози сифатида Европа Лигасида ғолиб чиқди.

Европа Лигасининг жорий мавсуми ҳал қилувчи баҳсида «Астон Вилла» «Фрайбург» билан тўқнаш келади. Учрашув 20 май куни бўлиб ўтади.