«Ан-Наср» ҳужумчиси ва сардори Криштиану Роналду Саудия Про-Лигасининг 33-турида «Аш-Шабаб»га қарши ўйиндаги (4:2) ғалабадан кейин ижтимоий тармоқда пост қолдирди. Ушбу баҳсда португалиялик форвард гол урди ва бу унинг фаолиятидаги 971-гол бўлди.
«Бугун ажойиб ғалаба қозондик! Шу руҳда давом этамиз!» — деб ёзди Криштиану Роналду X ижтимоий тармоғидаги саҳифасида.
Жорий Про-Лига мавсумида 41 ёшли футболчи 28 учрашувда 26 та гол ва 3 та ассист қайд этди.
«Ан-Наср» Саудия чемпионати турнир жадвалида пешқадам бўлиб турибди. Жамоа 32 ўйиндан кейин 82 очко жамғарган. Бир ўйин кам ўтказган ҳолда иккинчи ўринда бораётган «Ал-Ҳилол»дан фарқ 5 очкони ташкил қилмоқда.
Саудия Арабистони — Про-Лига, 33-тур
7 май 2026 йил, пайшанба.
«Аш-Шабаб» — «Ан-Наср» — 2:4
Голлар: Жоау Феликс 3, 10 (0:2), Янник Карраско 30 (1:2), Криштиану Роналду 75 (1:3), Али Ал-Булайҳи 80 (2:3), Жоау Феликс 90+8 (2:4).













