«Барселона» футболчиси Жоау Канселу ҳар доим «кўк-анорранглилар» сафида ўйнашни истаганини яна бир бор таъкидлади.
Португалиялик футболчи Каталония клубига бўлган меҳри билан машҳур. Спорт директори Декунинг тан олишича, ўйинчининг шахсий қизиқиши ўтган қишда «Ал-Ҳилол» билан ижара шартномасини амалга оширишда катта ёрдам берган.
«Мен дунёдаги ҳамма нарсадан ҳам кўра кўпроқ «Барселона»да ўйнашни истардим. Бу ҳақда болалигимдан бери орзу қилардим, ушбу клуб юрагимда ҳар доим алоҳида ўрин тутган. Ҳозир эса жамоага Ла Лига чемпионлигини қўлга киритишда ёрдам беришни истайман. Бу мен учун ажойиб тажриба бўлади», — дея Канселунинг сўзларини келтиради Barca Universal.
Ханс-Дитер Флик жамоаси агар якшанба куни ўз майдонида «эл-класико» доирасида Мадриднинг «Реал» клубига ютқазмаса, чемпионликни нақд қилади.
