Франциянинг «ПСЖ» клуби «РБ Лейпциг» вингери Ян Диомандега даъвогарлик қилишда давом этмоқда. Журналист Экрем Конурнинг хабар беришича, немис клуби 19 ёшли футболчини ўз сафида сақлаб қолмоқчи ва унга янги шартнома таклиф қилмоқда.
Бироқ, агар «ПСЖ» 100 миллион евро миқдорида таклиф юборса, «РБ Лейпциг» ўз асосий активини қўйиб юбориши қайд этилган.
Жорий мавсумда Диоманде барча мусобақаларни ҳисобга олган ҳолда 34 та ўйинда майдонга тушиб, 13 та гол урди ва 9 та голли узатмани амалга оширди. Диоманденинг «РБ Лейпциг» билан амалдаги меҳнат шартномаси 2030 йилнинг ўрталарига қадар мўлжалланган. Transfermarkt портали мутахассислари футболчининг нархини 75 миллион еврога баҳоламоқда.
