«Барселона» Роберт Левандовски билан янги шартнома бўйича музокараларни давом эттирмоқда. Полшалик ҳужумчининг амалдаги келишуви июнь ойи охирида якунига етади.
Журналист Рожер Торельо берган маълумотларга кўра, 37 ёшли футболчининг тақдири бош мураббий Ханс-Дитер Фликка аниқроғи, у янги мавсумда ҳужумчини қандай ролда кўраётганига боғлиқ. Айнан немис мутахассисининг режалари асосида футболчи клубда қолиш ёки қолмаслик борасида якуний қарорга келади.
«Кўк-анорранглилар» Левандовски билан 2027 йилнинг ўрталаригача шартнома имзолашга тайёр, бироқ бу иш ҳақининг сезиларли даражада камайиши эвазига амалга ошиши тахмин қилинмоқда.
