Мадриднинг «Реал» клуби уругвайлик ярим ҳимоячи Федерико Вальверденинг соғлиғи ҳақида расмий баёнот берди.

«Клуб тиббий хизмати томонидан ўтказилган текширув натижаларига кўра, футболчимиз Феде Вальвердеда бош-мия жароҳати аниқланди.

Вальверде ҳозирда уйида бўлиб, аҳволи яхши. Ушбу ташхис бўйича тиббий протоколларга мувофиқ, у 10–14 кун давомида дам олиши керак бўлади», — дейилади «қаймоқранглилар» баёнотида.

Шу тариқа, Вальверде Ла Лига доирасида «Барселона»га қарши бўлиб ўтадиган сафар учрашувини ўтказиб юборади. "Эл-класико" 10 майдан 11 майга ўтар кечаси бўлиб ўтади.

Аввалроқ Федерико Вальверде жамоадоши Орельен Чуамени билан жанжаллашиб қолгани, кейинчалик бу можаро кийиниш хонасидаги жиддий тўқнашувга айлангани ҳақида хабарлар тарқалган эди.