Португалиялик ярим ҳимоячи Жоау Палинья «Бавария»дан «Тоттенхэм»га доимий асосда ўтиши мумкин. Бу ҳақда Daily Mail Sport нашри хабар бермоқда.

Манба берган маълумотларга кўра, «шпорлар»нинг янги бош мураббийи Роберто Де Дзерби 30 ёшли хавбекни жамоада олиб қолмоқчи. Инглиз клубида футболчини 31 миллион еврога сотиб олиш ҳуқуқи мавжуд. Томас Франк ва Игорь Тудор даврида Палинья «Бавария»га қайтариб юбориладигандек туюлган эди, бироқ Де Дзерби келиши билан вазият ўзгарди.

Эслатиб ўтамиз, «Тоттенхэм» Палиньяни ўтган ёзда «Бавария»дан ижарага олган эди. Ярим ҳимоячи «шпорлар» таркибида барча турнирларда жами 42 та ўйинда майдонга тушиб, 6 та гол урди ва 3 та голли узатмани амалга оширди.