«Рома»нинг собиқ ҳужумчиси Антонио Кассано Рим клубидаги сўнгги вазият ҳақида ўз фикрларини билдирди. Клаудио Раньери ва жамоа бош мураббийи Жан Пьеро Гасперини ўртасидаги тўқнашув Раньерининг директорлар кенгашидаги лавозимидан бўшатилишига олиб келди.

«Раньери кетма-кет бемаъни гапларни гапирди. «Рома» мухлисларини яхши билган ҳолда айтаманки, агар кейинги йилда ишлар ёмон кетса, уларнинг ҳаммаси Гасперинини айблай бошлайди. Фридкинлар у учун кучли таркиб йиғиб беришлари керак. «Рома» сўнгги йилларда бешинчи ўриндан юқорига кўтарила олмаяпти ва агар улар бор эътиборни Дибалага қаратаверишса, жамоани ҳеч қандай муваффақият кутмайди», — деди Кассано Viva El Futbol подкастида.

Ҳозирда «Рома» 64 очко билан Италия чемпионати турнир жадвалида бешинчи ўринни эгаллаб турибди.