Якшанба, 10 май куни Испания чемпионатининг 35-тури доирасида «Барселона» ўз майдонида Мадриднинг «Реал» клубини қабул қилади. «Кўк-анорранглилар» марказий ярим ҳимоячиси Марк Касадо «эль-класико»дан нималар кутаётгани билан ўртоқлашди.
«Энг муҳими, мураббийимиз айтганидек — чемпионатда ғолиб чиқиш. Қаерда, қачон ва қандай бўлишининг аҳамияти йўқ. Лекин шуниси аниқки, ҳам жамоа учун, ҳам мухлислар учун бу ишни айнан «Реал»га қарши ўйинда, ўз уйинида, ишқибозларимиз билан биргаликда амалга ошириш жуда ёқимли бўларди. Бу жуда чиройли воқеа бўлган бўларди», — дея хавбекнинг сўзларини келтиради Diario Sport.
Айни дамда Ханс-Дитер Флик шогирдлари «қаймоқранглилар»ни 11 очкога ортда қолдирмоқда. Испания чемпионати якунига тўртта тур қолди.
