«Челси» ярим ҳимоячиси Мойсес Кайседо жамоанинг муаммолари ҳақида гапирди. «Кўклар» сўнгги ойларда ўта муваффақиятсиз натижалар кўрсатмоқда, бу эса мураббий Лиам Росеньорнинг истеъфосига сабаб бўлди.
«Биз жуда беқарор бўлдик. Барчамиз ёмон ўйнадик ва керакли ишларни қилмадик. Бизга изчиллик етишмади. Энди ушбу мавсумни иложи борича яхшироқ якунлашимиз керак», — дея Кайседонинг сўзларини келтиради «Челси» матбуот хизмати.
Шанба куни лондонликлар сафарда «Ливерпуль»га қарши майдонга тушишади. Учрашув Тошкент вақти билан соат 16:30 да бошланади. Айни дамда пойтахт гранди Премьер-лига турнир жадвалида бор-йўғи тўққизинчи ўринни эгаллаб турибди.
