«Реал Мадрид» ва «Бавария» собиқ футболчиси Тони Кроос «ПСЖ» муваффақиятларининг асосий омилларидан бири сифатида мураббий Луис Энрикенинг Усмон Дембеле билан тил топиша олганини кўрсатди. Эслатиб ўтамиз, ўтган йили айнан Дембеле «Олтин тўп» соҳибига айланган эди.
«Луис Энрике дунёнинг энг яхши футболчиси бўлиб турган Дембелени 65-дақиқада захирага олди. У эса мураббийнинг қўлини сиқиб, ҳеч қандай эътирозсиз майдонни тарк этди ва захира ўриндиғидан туриб жамоадошларини қизғин қўллаб-қувватлади. Бу улар ўртасида қанчалик ҳурмат ва яхши муносабат шаклланганини кўрсатади. Луис Энрике Дембеле учун калит топа олди», — дея Крооснинг сўзларини derbyderbyderby.it нашри келтирмоқда.
Маълумот учун, Дембеле ҳам худди Кроос каби ўз вақтида Германия чемпионатида ўйнаган — Тони «Бавария» шарафини ҳимоя қилган бўлса, Усмон Дортмунднинг «Боруссия»си таркибида тўп тепган.
