Амстердамнинг «Аякс» клуби янги бош мураббий изламоқда ва клуб раҳбарияти айни дамда Каталониянинг «Жирона» жамоасида фаолият юритаётган Мичелга қизиқиш билдирмоқда. Бу ҳақда нуфузли италиялик журналист Фабрицио Романо хабар бермоқда.
Шу билан бирга, унинг сўзларига кўра, «Аякс» раҳбариятининг рўйхатида бошқа номзодлар ҳам бор. Жумладан, агар Арне Слот «Ливерпуль»ни тарк этадиган бўлса, унинг номзоди ҳам кўриб чиқилади. Эслатиб ўтамиз, Слот илгари Роттердамнинг «Фейеноорд» клубини бошқарган ва 2024 йилда у ердан «Ливерпуль»га йўл олган эди.
Нидерландия чемпионати якуниланишига икки тур қолганида «Аякс» турнир жадвалида бор-йўғи тўртинчи ўринни эгаллаб турибди.
