Ўтган йилнинг ёзида спорт директори Игли Таре «Милан»га ўтар экан, шубҳасиз, худди «Лацио»даги каби (у ерда 15 йилдан ортиқ ишлаган эди) узоқ муддатли ҳамкорликка умид қилганди. Бироқ, таниқли италиялик журналист Николо Скиранинг хабар беришича, Игли шу ёздаёқ «Милан»ни тарк этиши мумкин.
Журналист ушбу малакали мутахассис ўрнига бўлиши мумкин бўлган номзодни ҳам айтди. Бу Тони Д'Амико. Д'Амико ўтган йили ҳам бу лавозимга даъвогарлик қилган эди, аммо ўшанда Массимилиано Аллегрининг қатъий талаби билан танлов айнан Таре фойдасига ҳал бўлганди.
Таренинг эҳтимолий кетиши ҳақидаги миш-мишлар яна бир нарсани тасдиқлаши мумкин, Аллегри ҳам барибир клубдан кетади.
