Германия Бундеслигасининг навбатдаги тури доирасида «Бавария» сафарда «Вольфсбург» меҳмони бўлмоқда. Учрашувнинг биринчи бўлимида мюнхенликлар етакчиси Ҳарри Кейн ҳисобни очиш учун қулай имкониятни қўлдан чиқарди.
Ўйиннинг 36-дақиқасида меҳмонлар фойдасига пенальти белгиланди. Тўп ёнига келган инглиз ҳужумчиси дарвозанинг ўнг юқори бурчагини нишонга олди, бироқ унинг зарбасига бироз аниқлик етишмади — тўп дарвоза тўсини ёнидан ўтиб кетди. Қизиғи шундаки, мезбонлар дарвозабони зарба йўналишини топа олмай, қарама-қарши томонга сакраган эди.
Биринчи бўлимда гол урилмаган бўлса-да, иккинчи бўлимда Мюнхен клуби барибир ўз мақсадига эришди. Майкл Олисе рақиб дарвозасини ишғол этиб, «Бавария»ни ҳисобда олдинга олиб чиқди.
