Испания Ла Лигасининг 35-тури доирасида Мадриднинг «Атлетико» клуби ўз майдонида «Сельта»ни қабул қилди. Баҳс меҳмонларнинг 1:0 ҳисобидаги ғалабаси билан якунланди.

Учрашувдаги ягона гол 62-дақиқада «Сельта» ҳужумчиси Борха Иглесиас томонидан киритилди. Диего Симеоне шогирдлари қолган вақт ичида ҳисобни тенглаштиришга уринган бўлса-да, Виго клуби ҳимояси ишончли ўйин намойиш этди.

Ушбу мағлубиятдан сўнг «Атлетико Мадрид» 63 очко билан турнир жадвалида тўртинчи ўринни эгаллаб турибди. «Сельта» эса очколари сонини 50 тага етказиб, олтинчи поғонага кўтарилиб олди.

Навбатдаги турда «Сельта» 12 май куни «Леванте»ни қабул қилади, мадридликлар эса шу куни сафарда «Осасуна» меҳмони бўлишади.

«АТЛЕТИКО» — «СЕЛЬТА» — 0:1

Гол: Борха Иглесиас 62 (0:1).

«Атлетико»: Облак, Хименес (Ле Норман, 20; Варгас, 69), Ганцко, Руджери, Пубиль, Коке, Баэна (Кубо, 69), Лукман (Молина, 60), Льоренте, Гризманн (Альмада, 60), Серлот.

«Сельта»: Раду, Лаго, Алонсо, Родригес, Мориба, Лопес, Мингеса, Нуньес (Каррейра, 68), Дуран (Хутгла, 68), Сведберг (Альварес, 77), Иглесиас (Аспас, 68).

Огоҳлантиришлар: Баэна (66) — Мориба (19), Лопес (77).