«Манчестер Сити» вингери Жереми Доку мавсум якунига келиб юқори спорт формасига кириб олди. Бельгиялик футболчи АПЛнинг сўнгги тури доирасида «Брентфорд»га қарши кечган баҳсда (3:0) ҳисобни очиб, жамоасининг йирик ғалабасига йўл очиб берди.

Ўйиндан сўнг Доку ўз голлари ва собиқ «шаҳарлик» Раҳим Стерлинг ўртасидаги фарқ ҳақида тўхталиб ўтди.

«Бу мавсумдаги голларимга қарасам, уларнинг бирортаси ҳам қайтган тўпни дарвозага киритиш орқали урилмаган. Масалан, Стерлингнинг «Сити»даги исталган мавсумига қарасангиз, у бир мавсумда камида 5-7 та голни айнан дарвоза олдидаги яқин масофадан киритган. Менинг голларимнинг барчаси чиройли чиқмоқда, лекин мен ўз ҳисобимга мана шундай «оддий» голларни ҳам қўшиб қўймоқчиман», — дейди футболчи The Touchline нашрига берган интервьюсида.

Маълумот учун, 23 ёшли футболчи охирги учта учрашувда ўз ҳисобига тўртта гол ёздириб қўйишга муваффақ бўлди. Жамоа айни дамда чемпионлик учун курашни давом эттирмоқда.