Туриннинг «Ювентус» клуби ҳужумчиси Душан Влахович «Лечче»га қарши кечган баҳсда ўз исмини клуб тарихига ёздириб қўйди. Сербиялик ҳужумчи учрашувнинг 12-сониясидаёқ рақиб дарвозасини ишғол қилишга муваффақ бўлди.
Камбьязонинг жарима майдончаси марказига узатган тўпини Влахович дарвоза тўсини остига жойлаб қўйди. Opta статистик порталининг маълумотларига кўра, ушбу гол «Ювентус»нинг 2004/05 йилги мавсумдан (батафсил статистика юритила бошланган давр) буён қайд этган энг тезкор учинчи голи бўлди.
Шу тариқа, Влахович 2012 йилда «Интер»га қарши баҳснинг 18-сониясида гол урган Артуро Видалнинг натижасини янгилади. А Серия тарихида фақат Рафаэль Леау (6-сония) ва Ирвинг Лосано (9-сония) Влаховичдан тезроқ гол уришга муваффақ бўлишган.
Эслатиб ўтамиз, ушбу учрашув «Ювентус»нинг кичик ҳисобдаги ғалабаси билан якунланди.
