Turinning «Yuventus» klubi hujumchisi Dushan Vlaxovich «Lechche»ga qarshi kechgan bahsda o‘z ismini klub tarixiga yozdirib qo‘ydi. Serbiyalik hujumchi uchrashuvning 12-soniyasidayoq raqib darvozasini ishg‘ol qilishga muvaffaq bo‘ldi.

Kambyazoning jarima maydonchasi markaziga uzatgan to‘pini Vlaxovich darvoza to‘sini ostiga joylab qo‘ydi. Opta statistik portalining ma’lumotlariga ko‘ra, ushbu gol «Yuventus»ning 2004/05 yilgi mavsumdan (batafsil statistika yuritila boshlangan davr) buyon qayd etgan eng tezkor uchinchi goli bo‘ldi.

Shu tariqa, Vlaxovich 2012 yilda «Inter»ga qarshi bahsning 18-soniyasida gol urgan Arturo Vidalning natijasini yangiladi. A Seriya tarixida faqat Rafael Leau (6-soniya) va Irving Losano (9-soniya) Vlaxovichdan tezroq gol urishga muvaffaq bo‘lishgan.

Eslatib o‘tamiz, ushbu uchrashuv «Yuventus»ning kichik hisobdagi g‘alabasi bilan yakunlandi.