Англия Премьер-лигасининг 36-турида «Манчестер Сити» ўз майдонида «Брентфорд»ни 3:0 ҳисобида мағлуб этди. Учрашувдаги голлардан бирига муаллифлик қилган Эрлинг Холанд чемпионатдаги голлари сонини 26 тага етказиб, тўпурарлар пойгасидаги пешқадамлигини мустаҳкамлади.
Ўйиндан сўнг норвегиялик ҳужумчи ўз кўрсаткичлари ҳақидаги саволга жавоб берди.
«Ҳаммаси жойида. Мавсум кўтарилиш ва пасайишлар билан кечди. Мен шунчаки ўз ишимни қилишга ҳаракат қиляпман. 26 та гол — бу ўтган мавсумдагидан кўпроқ, шунинг учун ҳаммаси нормал», — дейди Холанд Sky Sports нашрига берган интервьюсида.
Маълумот учун, ўтган мавсумда Эрлинг Холанд Англия чемпионатида 22 та гол урган ва тўпурарлар рўйхатида учинчи ўринни эгаллаган эди. Ўшанда Александр Исак ва Муҳаммад Салоҳ ундан кўпроқ гол уришга муваффақ бўлишган. Жорий мавсумда эса Холанд аллақачон ўз рекордини янгилаб улгурди.
