«Манчестер Сити» вингери Жереми Доку Англия Премьер-лигаси доирасида «Брентфорд» устидан қозонилган йирик ғалабадан (3:0) сўнг ўз фикрлари билан ўртоқлашди. Ушбу учрашувнинг 60-дақиқасида айнан Доку ҳисобни очишга муваффақ бўлган эди.

«Ҳисоб 0:0 бўлиб турган вақтда, стандарт вазиятларда жуда хавфли бўлган бундай жамоага қарши тезроқ гол уришимиз шартлигини ҳис қилаётган эдик. Биринчи голни киритганимиздан сўнг бизда кўпроқ бўш ҳудудлар пайдо бўлди ва кейин иккинчи тўпни ҳам киритдик. Биз енгиллик ва қувончни ҳис қилдик, чунки бизга голлар кераклигини яхши тушуниб тургандик», — дейди Доку BBC нашрига берган интервьюсида.

Шунингдек, бельгиялик футболчи Омар Мармушнинг голига ҳам тўхталиб ўтди:

«Мармуш учун жуда хурсандман. У машғулотларда қаттиқ ва тинимсиз меҳнат қилди. Унинг голи мана шу меҳнатлари учун муносиб мукофот бўлди».

Маълумот учун, «Манчестер Сити» навбатдаги учрашувини 13 май куни «Кристал Пэлас» жамоасига қарши ўтказади.