«ПСЖ» ҳужумчиси Усмон Дембеле катта эҳтимол Франция пойтахтидаги фаолиятини давом эттиради. L’Equipe нашрининг хабар беришича, клуб раҳбарияти футболчи билан янги шартнома имзоланишига тўлиқ ишонмоқда.
Келишувнинг асосий шартлари аллақачон келишиб бўлинган. Фақатгина 30 май куни бўлиб ўтадиган Чемпионлар лигаси финали сабабли музокараларнинг якуний босқичи бироз кейинга сурилган.
Маълумот учун, Усмон Дембеле 2023 йилда «Барселона»дан 50 миллион евро эвазига «ПСЖ»га ўтган эди. Унинг амалдаги шартномаси 2028 йилнинг ёзига қадар мўлжалланган. Жорий мавсумда ҳужумчи парижликлар сафида барча мусобақаларда 36 та ўйинда майдонга тушиб, 19 та гол ва 10 та голли узатмага муаллифлик қилди.
Transfermarkt портали 28 ёшли футболчининг бозор қийматини айни дамда 100 миллион еврога баҳоламоқда.
