Италиянинг «Милан» клуби ва Мадриднинг «Реал» жамоасини тарк этиши кутилаётган Давид Алаба ўртасидаги эҳтимолий ҳамкорлик ҳақида хабарлар тарқалди. Бироқ Италиянинг Corriere dello Sport нашрига кўра, австриялик футболчининг молиявий талаблари бу трансферга тўсқинлик қилиши мумкин.
«Милан» раҳбарияти айни дамда 33 ёшли ҳимоячининг юқори маош сўровларини қондиришга тайёр эмас. Клуб Алабани ёши ўтгани сабабли стратегик инвестиция сифатида кўрмаяпти.
Бундан ташқари, футболчининг энг яхши йиллари ортда қолган деб ҳисобланмоқда. Маълумот учун, Алаба якунланган мавсумда жароҳатлар сабабли бор-йўғи 14 та ўйинда иштирок этди ва майдонда умумий ҳисобда 415 дақиқа ҳаракат қилди холос.
