Italiyaning «Milan» klubi va Madridning «Real» jamoasini tark etishi kutilayotgan David Alaba o‘rtasidagi ehtimoliy hamkorlik haqida xabarlar tarqaldi. Biroq Italiyaning Corriere dello Sport nashriga ko‘ra, avstriyalik futbolchining moliyaviy talablari bu transferga to‘sqinlik qilishi mumkin.
«Milan» rahbariyati ayni damda 33 yoshli himoyachining yuqori maosh so‘rovlarini qondirishga tayyor emas. Klub Alabani yoshi o‘tgani sababli strategik investisiya sifatida ko‘rmayapti.
Bundan tashqari, futbolchining eng yaxshi yillari ortda qolgan deb hisoblanmoqda. Ma’lumot uchun, Alaba yakunlangan mavsumda jarohatlar sababli bor-yo‘g‘i 14 ta o‘yinda ishtirok etdi va maydonda umumiy hisobda 415 daqiqa harakat qildi xolos.
