«Барселона» вингери Рафинья Диас клубда узоқ вақт қолишга тайёр эканлигига шама қилди. Тарқалган миш-мишларга кўра, бразилиялик футболчига Саудия Арабистони чемпионати вакиллари қизиқиш билдирмоқда ва улар келаётган ёзда «кўк-анорранглилар» ҳамда футболчининг ўзига катта таклиф билан чиқишни режалаштирмоқда.
«Мен ўзимни яна кўп йиллар давомида «Барселона» футболчиси сифатида кўряпман. Амалдаги шартномам 2028 йилгача мўлжалланган ва агар клуб раҳбарияти уни узайтириш бўйича гаплашмоқчи бўлса, мен бунга тайёрман», — дея Рафиньянинг сўзларини келтирмоқда Barca Universal.
Маълумот учун, каталонияликларнинг 29 ёшли ҳужум етакчиси жорий мавсумда 31 та ўйинда майдонга тушиб, 19 та гол ва 8 та голли узатмага муаллифлик қилди.
