Франциянинг «ПСЖ» клуби ҳимоячиси Ашраф Ҳакимий 30 май куни бўлиб ўтадиган Чемпионлар лигаси финалига қадар сафга қайтиши мумкин. Бу ҳақда журналист Фабрис Хокинс хабар бермоқда.
Парижликларнинг «Арсенал»га қарши кечадиган ҳал қилувчи баҳсида дарвозабон Люка Шевальенинг иштироки борасида ҳам ижобий прогнозлар берилмоқда. Сон жароҳати туфайли сафдан чиққан посбоннинг тикланиш жараёни режадагидек кетмоқда.
Шунингдек, жамоанинг бошқа аъзолари — Вильян Пачо, Нуну Мендеш ва Уоррен Заир-Эмерининг соғлиғи борасида хавотирга ўрин йўқлиги айтилмоқда. Улардаги кичик жароҳатлар финал ўйинида иштирок этишга тўсқинлик қилмайди.
Эслатиб ўтамиз, Ашраф Ҳакимий сонидаги муаммолар сабабли «Бавария»га қарши кечган ярим финалнинг жавоб учрашувини (1:1) ўтказиб юборган эди.
