Италия А серияси 2025/2026 йилги мавсумининг 36-туридан ўрин олган «Милан» ҳамда «Аталанта» ўртасидаги учрашув якунланди. Беллашув Миландаги «Сан-Сиро» стадионида бўлиб ўтди. Учрашув Бергамо жамоасининг 3:2 ҳисобидаги ғалабаси билан тугади.
Учрашувдаги ҳисобни «Аталанта» ярим ҳимоячиси Эдерсон 7-дақиқада очди. 29-дақиқада Давиде Дзаппакоста меҳмонлар устунлигини оширди. Иккинчи бўлимда эса 52-дақиқада ҳужумчи Жакомо Распадори ҳисобни йирик кўринишга олиб келди.
88-дақиқада «Милан» ҳимоячиси Страхиня Павлович бир тўп фарқини қисқартирди. Учрашувнинг қўшимча дақиқаларида, аниқроғи 90+4-дақиқада Кристофер Нкунку пенальтини аниқ амалга ошириб, миланликларнинг иккинчи голига муаллифлик қилди.
Ушбу натижадан кейин «Милан» 36 учрашувдан сўнг 67 очко билан Италия чемпионати жадвалида тўртинчи ўринда қолмоқда. «Аталанта» эса 58 очко билан еттинчи поғонадан жой олган.
Италия — А серия. 36-тур
2026 йил 10 май, якшанба.
«Милан» — «Аталанта» 2:3
Голлар: Эдерсон 7, Давиде Дзаппакоста 29, Джакомо Распадори 52 — Страхиня Павлович 88, Кристофер Нкунку 90+4 (пенальти).













