«Милан» охирги олтита ўйиннинг тўрттасида мағлубиятга учради.

Массимилиано Аллегри шогирдлари бугун А Сериянинг 36-тури доирасида ўз майдонида «Аталанта»га имкониятни бой берди — 2:3.

Апрель ойи бошидан бери «россонерилар», шунингдек, «Сассуоло» (0:2), «Удинезе» (0:3) ва «Наполи»дан (0:1) мағлуб бўлишди, «Ювентус» билан дуранг (0:0) ўйнашди ва фақат «Верона» устидан ғалаба (1:0) қозонишди. Шу тариқа, жамоа сўнгги олтита ўйинда бор-йўғи учта гол урди.

Чемпионат якунланишига икки тур қолганда «Милан» тўртинчи ўринда бормоқда. Жамоа ҳисобида 67 очко мавжуд — худди бешинчи поғонадаги «Рома» каби. «Комо» эса улардан икки очкога ортда қолмоқда.

17 май куни миланликлар «Женоа» билан, 24 май куни эса «Кальяри» билан куч синашади.