Ханс-Дитер Флик «Барселона»ни яна бир бор Ла Лига чемпионлигига етаклаб келди. Якшанба куни каталонияликлар Мадриднинг «Реал» клубини мағлуб этиб (2:0), муддатидан олдин Испания чемпиони номини қўлга киритишди.
«Бу ерга келиб тўғри қарор қабул қилганимни билардим. Биринчи кунданоқ мени жуда илиқ кутиб олишди. Деку, Лапорта ва бутун шаҳар аҳли менга катта меҳр кўрсатишди. Бу ерда ўзимни жуда қулай ҳис қиляпман ва буларнинг барчасини чексиз қадрлайман. Аввал ишлаган жойларимнинг ҳеч бирида бунга ўхшаш ҳолатни кўрмаганман», — дея Фликнинг сўзларини келтиради The Touchline нашри.
Германиялик мутахассис қўл остида «кўк-анорранглилар» икки мавсум ичида ички аренадаги олтита совриндан бештасини қўлга киритишди. Мураббийнинг амалдаги шартномаси 2027 йилгача мўлжалланган, бироқ яқин орада у узайтирилиши кутилмоқда.
