«Барселона» Мадриднинг «Реал» клубини 2:0 ҳисобида мағлуб этиб, Испания чемпионлигини қўлга киритди. Бироқ мадридликларнинг расмий телеканали учрашувдаги ҳакамлик қарорларидан қаттиқ норози бўлмоқда.

Ўйиннинг иккинчи бўлимида «Барселона» ҳимоячиси Эрик Гарсия ўз жарима майдончаси ичида Жуд Беллингемнинг юзига тирсаги билан зарба берди. Бош ҳакам ва VAR тизими ушбу вазиятда қоида бузилишини қайд этмади. «Реал» клуби телеканали эфирида ушбу ҳолат кескин танқид қилинди.

«Тебас лигаси, Негрейра лигаси. Бу шунчаки цирк. Даҳшатли ва уятли иш. Энг ёмони — такрорий лавҳаларнинг йўқлиги. Агар «Реал» футболчиси қоида бузса, вазиятни ҳар томондан кўрсатишади. Бу ерда эса трансляция "қўлга олинган". Ушбу компанияни Тебас ёллаган ва улар ўзларига керакли йўналишда ишлашмоқда. Агар такрор кўрсатилмаса, демак, бу шубҳали. Эрик Гарсиянинг тирсагини кўрдик — бизнингча, бу пенальти ва четлатиш эди», — дейилади клуб телеканали баёнотида.

Мағлубиятдан сўнг Мадрид клуби жорий мавсумни совринсиз якунлайдиган бўлди.