«Барселона» ярим ҳимоячиси Педри жамоасининг Ла Лигадаги навбатдаги чемпионлиги ҳақида ўз фикрларини билдирди.

Каталонияликлар мавсум якунланишига уч тур қолганда ўз майдонида асосий таъқибчи — «Реал Мадрид»ни 2:0 ҳисобида мағлуб этиб, бош совринни нақд қилди. Ушбу ғалабадан сўнг «кўк-анорранглилар»нинг мадридликлар билан орадаги фарқи 14 очкога етди.

«Чемпионатдаги ғалаба бутун мавсум давомида энг кучли бўлганимизни англатади. Бу борада ҳеч қандай баҳс бўлиши мумкин эмас. Жамоамиз Испанияда энг зўри эканлигини исботлади. Ажойиб мавсум. Биз келгусида ҳам янги зафарлар сари интилишда давом этамиз», — деди Педри «эл-класико»дан кейин берган интервьюсида.

Маълумот учун, «Барселона» кетма-кет иккинчи бор Ла Лига ғолибига айланди. Бу клуб тарихидаги умумий ҳисобда 29-чемпионлик бўлди.