«Тоттенхэм» раҳбарияти жамоа ҳимоячиси Микки ван де Вен билан шартномани узайтириш устида ишламоқда. Бу ҳақда журналист Экрем Конур хабар берди.

Манбанинг маълумотига кўра, «шпорлар» Европа клублари томонидан қизиқиш ортиб бораётган нидерландиялик футболчини йўқотишни истамаяпти. Шу сабабли, Лондон клуби амалдаги келишув 2029 йилгача мўлжалланганига қарамай, у билан янги шартнома имзолаш ниятида.

Қайд этилишича, ван де Веннинг ўзи қарор қабул қилишга шошилмаяпти. У мавсум якунини кутиш ва «Тоттенхэм» Премьер-лигада қолиш-қолмаслигини кўрмоқчи. 35-турдан сўнг Роберто Де Дзерби шогирдлари 37 очко билан турнир жадвалида 17-ўринни эгаллаб турибди.