«Бенфика» бош мураббийи Жозе Моуриньо «Реал» бош мураббийлигида Альваро Арбелоани алмаштириши мумкин.
Нуфузли инсайдер Фабрицио Романонинг таъкидлашича, оммавий равишда инкор этилаётганига қарамай, Моуриньонинг ўзи ва унинг атрофидагилар бир неча ҳафтадан бери «Реал» билан музокаралар олиб бормоқда. Манбага кўра, ҳаммаси «қаймқранглилар» президенти Флорентино Переснинг қарорига боғлиқ.
Эслатиб ўтамиз, аввалроқ «Реал» сафарда «Барселона»га имкониятни бой бериб, чемпионлик унвонидан узил-кесил маҳрум бўлган эди. Шуни айтиш жоизки, «кўк-анорранглилар» ўз тарихида илк бор «Эл-Класико»да чемпионликни расмийлаштиришди. Чемпионат якунига уч тур қолганда «Реал» жадвалда иккинчи ўринни эгаллаб турибди ва «Барселона»дан 14 очкога ортда қолмоқда.













