«Benfika» bosh murabbiyi Joze Mourinyo «Real» bosh murabbiyligida Alvaro Arbeloani almashtirishi mumkin.

Nufuzli insayder Fabrisio Romanoning ta’kidlashicha, ommaviy ravishda inkor etilayotganiga qaramay, Mourinyoning o‘zi va uning atrofidagilar bir necha haftadan beri «Real» bilan muzokaralar olib bormoqda. Manbaga ko‘ra, hammasi «qaymqranglilar» prezidenti Florentino Peresning qaroriga bog‘liq.

Eslatib o‘tamiz, avvalroq «Real» safarda «Barselona»ga imkoniyatni boy berib, chempionlik unvonidan uzil-kesil mahrum bo‘lgan edi. Shuni aytish joizki, «ko‘k-anorranglilar» o‘z tarixida ilk bor «El-Klasiko»da chempionlikni rasmiylashtirishdi. Chempionat yakuniga uch tur qolganda «Real» jadvalda ikkinchi o‘rinni egallab turibdi va «Barselona»dan 14 ochkoga ortda qolmoqda.