Италия Кубоги финали арафасида Римнинг «Лацио» клуби чемпионат доирасида йирик ҳисобда мағлуб бўлди — рақиб айнан финалдаги бўлажак рақиб, Миланнинг «Интер» жамоаси эди. Шунга қарамай, «Лацио» устози Маурицио Сарри чоршанба кунги баҳс бутунлай бошқача ўтишига ишонмоқда.
«Чоршанба кунги ўйин мутлақо бошқача бўлади. Унга бошқача ёндашамиз. Биз бор кучимизни беришимиз керак, айниқса, ўз мухлисларимиз қаршисида. Бу ҳақиқий жанг бўлади», — дея Саррининг сўзларидан иқтибос келтирмоқда derbyderbyderby.it.
Эслатиб ўтамиз, «Лацио» охирги марта 2019 йилда Италия Кубогида ғолиб чиққан. «Интер» эса ушбу совринни сўнгги бор 2023 йилда қўлга киритган эди.
