Германия Бундеслигасининг сўнгги тури олдидан турнир жадвалининг пастки қисмида жуда кескин вазият юзага келди. Чемпион номи аллақачон маълум бўлган бўлса-да, лигада жон сақлаб қолиш учун курашаётган бир йўла учта жамоа ҳисобида 26 очкодан мавжуд.
Ушбу жамоалар орасида ўз вақтида довруғ қозонган, 21-асрда Германия чемпиони бўлган ва бир неча бор Чемпионлар лигасида иштирок этган «Вольфсбург» клуби ҳам бор. Маълум бўлишича, Бундеслига тарихида илк бор сўнгги тур олдидан учта жамоанинг очколари тенг келиб қолган — илгари юқори дивизионда бундай ҳолат кузатилмаган эди.
Эслатиб ўтамиз, Бундеслигани иккита клуб тарк этади. Демак, ушбу учликдан фақат битта жамоагина омон қолиши мумкин.
