«Рома» ҳужумчиси Пауло Дибала клубда камида яна бир мавсум қолиш учун маошининг сезиларли даражада камайишига рози. Бу ҳақда инсайдер Николо Скира ўзининг Х ижтимоий тармоғидаги саҳифасида хабар берди.
Манбанинг таъкидлашича, Рим клуби ҳозирча футболчига янги шартнома бўйича расмий таклиф юбормаган. Футболчининг ўзи ҳам аввалроқ жамоа хўжайини Дэн Фридкиннинг қарорини кутаётганини таъкидлаган эди.
«Рома» бош мураббийи Жан Пьеро Гасперини аргентиналик юлдузни таркибда сақлаб қолиш тарафдори, бироқ футболчининг кейинги тақдири клуб раҳбариятининг позициясига боғлиқ бўлади.
Жорий мавсумда 32 ёшли форвард 25 та ўйинда майдонга тушиб, 3 та гол урди ва 4 та голли узатмани амалга оширди.
