«Roma» hujumchisi Paulo Dibala klubda kamida yana bir mavsum qolish uchun maoshining sezilarli darajada kamayishiga rozi. Bu haqda insayder Nikolo Skira o‘zining X ijtimoiy tarmog‘idagi sahifasida xabar berdi.

Manbaning ta’kidlashicha, Rim klubi hozircha futbolchiga yangi shartnoma bo‘yicha rasmiy taklif yubormagan. Futbolchining o‘zi ham avvalroq jamoa xo‘jayini Den Fridkinning qarorini kutayotganini ta’kidlagan edi.

«Roma» bosh murabbiyi Jan Pyero Gasperini argentinalik yulduzni tarkibda saqlab qolish tarafdori, biroq futbolchining keyingi taqdiri klub rahbariyatining pozisiyasiga bog‘liq bo‘ladi.

Joriy mavsumda 32 yoshli forvard 25 ta o‘yinda maydonga tushib, 3 ta gol urdi va 4 ta golli uzatmani amalga oshirdi.