«Рома» раҳбарияти вакиллари «Пафос» спорт директори Кристиано Жаретта билан музокаралар ўтказишни режалаштирмоқда, деб хабар беради Sportitalia.

Манбанинг маълумотларига кўра, 58 ёшли италиялик мутахассиснинг устунликлари қаторида турли чемпионатлардаги иш тажрибаси ва инглиз тилини мукаммал билиши қайд этилган. Шунингдек, «Пафос»нинг натижалари ҳам эътиборни тортган: жамоа 2025/26 йилги мавсумда Чемпионлар лигаси умумий босқичи жадвалида 36 та жамоа ичида 26-ўринни эгаллади.

Жаретта 2023 йилнинг декабрида «Пафос» спорт директори этиб тайинланган эди. У аввалроқ «Уотфорд», Софиянинг ЦСКА, «Асколи», «Удинезе» ва «Новара» клубларида ҳам худди шу лавозимда фаолият юритган.

«Рома» клубни тарк этаётган Фредерик Массаранинг ўрнига янги спорт директори изламоқда.