«Аталанта» бош директори Лука Перкасси жамоа ярим ҳимоячиси Эдерсон Лоуренсонинг эҳтимолий кетиши ҳақида фикр билдирди. Аввалроқ, «Манчестер Юнайтед» 26 ёшли бразилиялик футболчининг трансферини яқин кунларда якунлаши мумкинлиги ҳақида хабарлар тарқалган эди. Шунингдек, ўйинчига «Арсенал», «Атлетико» ва бошқа клублар ҳам қизиқиш билдирмоқда.
«Ҳозирча Эдерсон бўйича бирорта ҳам расмий таклиф олганимиз йўқ. Кўплаб клублар қизиқиш билдиришмоқда, аммо ҳозирча нимадир дейишга ҳали эрта», — деди функционер Sky Sport нашрига.
Жорий мавсумда Эдерсон барча турнирларни ҳисобга олганда 40 та ўйинда иштирок этиб, ўз ҳисобига учта гол ва иккита голли узатмани ёздириб қўйди.
