Футбол агенти Владимир Кузьмичёв «Локомотив» ва Россия терма жамоаси ҳужумкор ярим ҳимоячиси Алексей Батраковнинг Англия ҳамда Германия чемпионатларига эҳтимолий трансфери ҳақида фикр билдирди.
«Алексейнинг Бундеслига ва АПЛга ўтиши истисно қилинади. Бугунги кунда уларнинг бизга бўлган муносабати шундай — бу нафақат Россия клубларига, балки умуман миллатга бўлган муносабат билан боғлиқ», — дея агентнинг сўзларини келтиради «Матч ТВ».
Жорий мавсумда 20 ёшли Батраков 35 та ўйинда майдонга тушиб, 17 та гол ва 12 та голли узатмага муаллифлик қилди. Футболчининг бозор қиймати 25 миллион еврога баҳоланмоқда. Унинг «темирйўлчилар» билан шартномаси 2029 йилнинг июнь ойи охиригача амал қилади.
