Мавсум якунлангач, Бернарду Силва тўққиз йиллик фаолиятидан сўнг «Манчестер Сити»ни тарк этади. Португалиялик футболчининг фаолиятидаги кейинги клуб «Ювентус» бўлиши мумкинлиги ҳақида матбуотда анчадан бери ёзилмоқда.
Машҳур журналист Николо Скира «Ювентус» Бернарду Силвага таклиф қилаётган шартнома шартларини очиқлади. Гап 2028 йилнинг ўрталаригача мўлжалланган ва яна бир мавсумга узайтириш имконияти бўлган келишув ҳақида бормоқда.
Таклиф этилаётган маош миқдори — 6 миллион евро + 2 миллион евро бонус. Бонусларнинг 1 миллиони Чемпионлар Лигасига йўлланма олиш учун, яна 1 миллиони эса жамоавий ва индивидуал ютуқлар учун кўзда тутилган.
Қайд этилишича, «Ювентус» бош мураббийи Лучано Спаллетти 31 ёшли Бернарду Силвани трансфер бозоридаги асосий мақсадларидан бири деб ҳисобламоқда.
