«ПСЖ» ўз таркибини кучайтириш устида ишламоқда. The Touchline нашрининг El Chiringuito TV дастурига таяниб хабар беришича, Лига 1 гранди ҳужумчи Хулиан Альварес борасида «Атлетико» билан аллақачон музокаралар олиб бормоқда.
Қайд этилишича, Альвареснинг трансфер суммаси 150 миллион евродан ошиши мумкин. Аввалроқ матбуотда Хулиан Альварес номи «Барселона» билан фаол боғланаётган эди. Бироқ, Каталония клуби молиявий қийинчиликларга дуч келаётгани «ПСЖ»га қўл келиши мумкин.
Жорий мавсумда Альварес 49 та расмий ўйинда майдонга тушиб, ўз ҳисобига 20 та гол ва 9 та голли узатмани ёздириб қўйди. Хулианнинг «Атлетико» билан амалдаги шартномаси 2030 йилнинг ўрталарига қадар мўлжалланган.
