«Манчестер Сити» бош мураббийи Хосеп Гвардиола сешанба куни Премьер-лига доирасида «Кристал Пэлас»га қарши кечадиган уй учрашуви олдидан матбуот анжуманида иштирок этди. Мутахассис дам олиш кунлари «Арсенал» дарвозасига урилган ва бекор қилинган «Вест Хэм»нинг голи ҳақидаги саволлардан қочишга ҳаракат қилди.

— «Вест Хэм»нинг «Арсенал»га урган голи бекор қилинган вазият кайфиятингизга қандай таъсир қилди?

— «Кристал Пэлас».

— Ва кейин ўша гол...

— «Кристал Пэлас».

«Манчестер Сити» чоршанба куни, 13 май куни «Кристал Пэлас»ни қабул қилади. Агар Хосеп Гвардиола шогирдлари ғалаба қозонса, пешқадам «Арсенал» билан ўртадаги фарқни икки очкогача қисқартиради. Титул учун даъвогарларда эса иккитадан ўйин қолади.